انتوا متخيلين بعد منظر العربيه المؤلم ده ...
السرعه كانت كام من أحد الطرفين 😢
الكلام في العموم لكل الناس وللعظه وللعبره
السرعه ياناس
والله مش بتفرق دقايق
متجروش علي الموت وافتكر إن اهلك وحبايبك بيكونوا مستنين رجوعك لما تروح مكان 😢
امشوا بالراحه حتي لو حصل حادث هتبقي الأمور سهله شويه ..
الشباب الصغير اللي معاه عربيه ولا بياخد عربية والده ولا والدته يمشي بيها شويه..
ياحبيبي الرحمه بأهلك وبنفسك وبالمجتمع شويه
وبلاش تهور وبلاش تكسر قلب اهلك وتعيشهم العمر كله مقهورين عليك ...
قال رسول الله صلى الله عليه وسلم
(من اراد واعظا فالموت يكفيه )
واحنا لازم ناخد عبره ونتعظ من اللي شايفينه ده
تخيل نفسك هنا وتخيل اهلك دلوقتي 💔
يااولياء الأمور ارحموا نفسكم وارحموا ولادكم
وخليك حازم مع ابنك شويه🥺
لما يزعل احسن مايرجع ميت ويكسرك العمر كله.
يارب استرها معانا كلنا
يارب ارحم الشباب اللي ماتوا وصبر اهاليهم 😢
يارب اكفينا شر فواجع القدر
يارب اكفينا شر الطريق ماظهر منه وما بطن.
الكلام مش لوم علي حد
الوجع مالي قلوبنا كلنا وكلنا مقهورين .
الكلام للعظه والتحذير لينا كلنا مش لحد معين